مازلنا نرحب بالتعليقات و نرد عليها:
(طق حنك) مقال لن يعجب الكثير

مصطفى فهمى في الأربعاء 17 ديسمبر 2008


(طق حنك) مقال لن يعجب الكثير
أعذرونى إن كان هذا المقال مكتوب باللغة العامية فلم أرى أن موضوعه يناسب الكتابة بالفصحى.
يكتب الواحد من دول المقال بعد عصر مخه فى محاولة لفك اشتباك مشكلة يراها عويصة أو مفهوم يرى أنه غلط و عاوز يصححه و يتعب نفسه و يمكن يسهر الليالى يقرأ و يحلل و يدلل و يكتب و يشطب يشيل و يحط، كل ده ليه؟ يا سيدى يمكن واحد عاوز يذب عن الرسول أو الدين زى ما بيقولوا أصحابنا، ...... ولكن مش هيه دى المشكلة!


أوم أيه يجى واحد صاحبنا ميعجبوش الكلام بتاعه و يروح متربس مخه "" و عاوز يصادر كلامه مع أن كلنا دايما بنقول لبعض كلام كتير عن حرية الفكر و الديمقراطية و الحرية و الكلام البكش اللى كلنا عارفينه، و بالصدفه يكون صاحبنا ده لسه يا ربى امبارح قايل أنا ماليش دعوة بالأحاديث و كان لاعن أبو خاش كتب العنعنات و رافع شعار "هو معقول برضه اقتنع بكلام ناس كتبوا عن الرسول عن طريق حكايات و إسرائيليات" و وشه يحمر يصفر و يزرق ""... و يمكن برضه يخضر علشان الألوان متزعلش.. و يتحمق صاحبنا أوى ويقوم يقف على الكرسى و يقول لا لا لا أنا مليش غير القرآن آخد منه دينى، ...... فأقول و الله كلام مش بطال "" ...... ولكن مش هيه دى المشكلة!
المهم مطولش عليكم ولا أطول مش مهم .....
فنقول له ليه يا صاحبى ده الكلام بتاع الأحاديث بقاله مئات السنين و الناس بياخدوه من المسلمات و ياما فيه ناس محترمين و شكلهم عاقلين و مش مجانين و عددهم بالملايين مقتنعين جدا بأن الكلام ده لازم ومؤرخ للفترة وشارح و مفسر للقرآن و من غيره لا يكون هناك دين
يروح صاحبنا شاخط فى وهو لسه واقف على الكرسى و يقول مره تانيه أنا مش قلت لك قبل كده أنا مخدش دينى من عنعنات من بق لبق (أى من فم لفم لمن لا يفهم العامية) ده أنا راجل عندى مخ عايز تكلمنى، كلمنى بالقرآن، بلا عنعنات بلا دياولو
و أنا ياولداه آل أيه صدقته "" و علشان كده صاحبته "" ...... و نرجع مرجوعنا للى كتب المقاله، مش مهم انه وصل لنتيجة صح ولا غلط المهم أن الراجل أجتهد و ألتزم بالمبدأ أللى هو أصلا مقتنع بيه زى صاحبنا ...... ولكن مش هيه دى المشكلة!
أيه بقى اللى حصل؟
لقينا صاحبنا و أصحابه بيعلقوا على المقال وبيتنقوزوا عليه، زى بعضه بتحصل دايما ......و نخش فى كلام تريقه بالمتغطى و المكشوف برضه بتحصل دايما وماشى ...... و بعد كده يبتدى الكلام الأبوى و الأموى (لا علاقة لذلك بالدولة الأموية) أى زى كلام بابا و ماما لما ينصحوا عيالهم و ينصحو الراجل بالتوبة و الرجوع لله علشان بابا و ماما هم اللى يعرفوا الصح من الغلط دايما، آل إيه الراجل تعدى على المسلمات و المعلوم، زى بعضه مقبول برضه ..... ما هم برضه خايفين عليه،...... ولكن برضه مش هيه دى المشكلة!
أظن أنا طولت؟
طيب سيبك بقى من كل اللى فات لأنه كان كلام هجص، المهم فى المسلمات، تطلع إيه المسلمات دى بقى؟ آل إيه دى هيه طلعت أسباب النزول و تاريخ و أحداث الفتره المنقولة لينا اللى بتحكى قصة زيد و عبيد و من كانت على ذمته مين ومين عاشر مين فى بيت مين و نرجع و نقول نفوتها دى كمان؟ ..... لأ بقى دى ماتفتش با خواجة ....،تقولولى طيب متفتش ليه .... دانت راجل كريم طيب و فوّت أللى قبلها أشمعنى دى؟ .... أقول لهم على رأى البعض من أصحابى علشان أنا حابب أذب عن الله و رسوله لسببين
الأوله فيهم:....... بس أدينى دماغك و خليك مصحصح معيا ""
تخيل كده ربنا (ولله المثل الأعلى) يستنى أفراد لما يعملوا أحداث معينه علشان ينزل فيها قرآن، أو يزق أفراد علشان يعملوا أحداث علشان ينزل القرآن اللى عاوز ينزله ...... ده كلام مش مقبول و لا يخش عقل و مايلئش على الله (سبحانه و تعالى عن ذلك)
و التانيه فيهم: ........ قولوا لى هو إيه الفرق بين عنعنات الأحاديث اللى أنتو رفضينها و عنعنات أسباب النزول و حكايات الفترة التاريخية أللى عجباكوا و ماسكين فيها، ما همه كلهم يا أصحابى جايين بنفس العنعنات و اللى حكوا دول حكوا دوكهمه و اللى يجوز على دول يجوز على دوكهمه و لّا دول وحشين وكخه  و دول على راسهم ريشه ويبقوا من المسلمات الحلوين الفله.
بيتهئ لى أن صاحبى لما طلع وقف على الكرسى و قال (بلا عنعنات بلا دياولو) كان عنده حاله "" ساعه تروح "" و ساعه تيجى "" و كان العفريت "" لسه جواه و ما طلعش و أتخميت أنا فيه "" و كان كلامه زى ما بيقولوا أهل الشام (طق حنك) ""
و السلام ختام
ملحوظة: هذا المقال و أشخاصه من وحى الخيال و يمكن وقوعه فى أى مكان و زمان و يمكن أن يكون أشخاصه كل إنس و جان

اجمالي القراءات 13119

للمزيد يمكنك قراءة : اساسيات اهل القران
التعليقات (25)
1   تعليق بواسطة   احمد شعبان     في   الأربعاء 17 ديسمبر 2008
[31306]

أخي الفاضل الأستاذ / مصطفي فهمي

تحية طيبة مباركة وبعد

هون عليك يا أخي ، من يقوم بمثل العمل الذي نقوم به لابد وأن يتحلى بالصبر والتسامح ، وإلا سوف يصطدم بالواقع السيئ الذي نعيشه جميعنا ، ويوجد مثل يقول ( الناس أعداء لما جهلوا ) فهذه طبيعة تحتاج للإقلاع عنها التجرد من حطام الدنيا ، وخصوصا من يعيش بحبوحة ولا تعنيه ويتجرد منها رغم أنه يعيشها .

فيجب أن نلتمس العذر للناس ، كمن يحاول أن يخرج من حفرة جميعنا واقعون فيها ،فلابد وأن يعلق به بعض الأتربة ، ومحاولاتنا أشبه بمن يحاول أن ينفض الغبار عن نفسه .

أما مسألة التناقض فسبب ذلك هو الضوضاء الفكرية التي نعيشها حتى أصبحت ظلالها سببا في ما نحن فيه من عتمة .

فلكي يأتي النور لابد من أناس تنير الطريق للآخرين .

وقد لاحظت أن كل الاخوة هنا صادقي النية ولكنه التناقض الذي نعيشه في كل شيء .

فمعذرة يا أستاذ مصطفى لي ولغيري ، وأنا أعلم بأنني لست مقصودا بهذا ، ولكني قد أكون مقصودا يوما بهذه التهمة ، وقد حدث حينما طلب أحد الاخوة على لسان الفرزدق بطول العمر لمربع ..

فصبرا وتسامحا ، حتى نجد من يصبر علينا ويسامحنا .

والسلام .


2   تعليق بواسطة   عمار نجم     في   الأربعاء 17 ديسمبر 2008
[31308]

على بلاطة للرد على طق الحنك

عندما نستمع إلى حجج الذين يعارضون فكرنا القرآني              يستوقفنا دوما قولهم أن إنكار السنة هو مقدمة لإنكار القرآن و هدم الدين             و الله عندما أقرأ مثل هكذا أفكار أقول معاهم كل الحق            و الله إتباع البخاري و مسلم أفضل و أسلم من إتباع هذا الكلام            يعني أنت يا أستاذ مصطفى تصيب الفكر القرآني بمقتل و تقدم خدمة مجانية لأعداء هذا الفكر               هل كل من قبلنا كانوا حمير و لا يفهمون و نحن فقط منحنا الله العقول              عفوا أقصد هل أنت فقط عندك عقل و كل الناس حمير             من الصحابة لليوم                     ما هذا الكلام المتعالي و كأنك المهدي المنتظر          بغض النظر عما جاء في القصص و الروايات                  أنتم إخترعتم لنا لغة أخرى               و صارت لغة القرآن لغة مريخية               كل الالفاظ تدل على أشياء غير التي نعرفها              يعني لم يبق شيء في القرآن فهمه السلف بشكل صحيح                 لا شيء على الإطلاق               معناها نترك الإسلام من أساسه و نروح ندور على دين الكتاب بتاعه مكتوب بلغة بشرية مفهومة                 الزوج صار بطيخة و القمر صار كازوزة و الفانوس صار بسكوتة            ما عدنا نعرف شو الله بده منا               و لا عدنا نعرف شو عم نقرأ           أقول إلك شو أحسن شي للذي مثلك            نصيحة من أخ لأخوه     تتفرغلك شي عشر سنين      تعمل فيهم قاموس جديد              تسميه قاموس عصر الفضاء               بعد هيك تسافر معه على متن صاروخ نووي و تروح تبشر أهل الفضاء بإسلام عصر الفضاء                هون على الأرض كل الناس بعدهم عايشين عالبساطة و ما راح يفهموا عليك                و بالتوفيق في رحلتك


3   تعليق بواسطة   عمار نجم     في   الأربعاء 17 ديسمبر 2008
[31310]

البلاطة لم تكن موجهة إليك

أخي العزيز سنان               أنا غير منزعج لأن الأفكار جديدة                 بالعكس كل أفكارك جديدة           و أنا سعيد كما قلت لك بأنك إنضممت لكتاب الموقع                  و كنت أتساءل دوما لماذا لا يكتب الأستاذ سنان مقالات توضح أفكاره             فأفكاره هي التي نحتاج أن نتعرف عليها كونها جديدة و مثيرة               مستعدين لمناقشة كل فكرة جديدة و نقبلها إذا اقتنعنا و لصاحبها منا كل الشكر و العرفان                   لكن لا نقبل التحدث معنا بتعالي و عنجهية                و كأننا لا نفهم و محاورنا هو وحده الذي يفهم               انزعاجي سببه طق الحنك و ليس أي شيء آخر             أرجو أن تكون قد عرفت و عذرت          و بالتوفيق في مقالاتك القادمة                  و بالتوفيق للمتعنجه في رحلته الفضائية        و السلام عليكم


4   تعليق بواسطة   عمرو اسماعيل     في   الأربعاء 17 ديسمبر 2008
[31312]

شخص من وحي الخيال

مش انت المقصود .. بس ولا يهمك ساكني الادوار السفلية اللي مش فاهمين لغة عصر الفضاء اللي ماقدروش يفهموا إن زيد فعل مش اسم جوز زينب .. وإن الوطر ماطلعش اللي احنا عارفينه اتاريه حاجة تانية الواحد مش لازم يستحمي بعديها .. يقدر يقوم ياخدلوه ركعتين علي طول ..
مع اعجابي باللغة العامية مصرية علي شامية .. بس يعني ايه طق حنق ..وبس حلوة ساعة تروح وساعة تيجي ..

5   تعليق بواسطة   عمار نجم     في   الخميس 18 ديسمبر 2008
[31318]

نصيحة إلى كل الاخوة الكتاب

بما أن الدين النصيحة             أجد نفسي ملزما بتقديم هذه النصيحة المجانية        و الأجر و الثواب على الله            كما تعلمون إخواني الأعزاء فإن الشيطان يجري من ابن آدم مجرى الدم                لذلك أنصحكم بأن تصلوا اركعتين قبل كتابة أي مقالة          تسألون الله في هذه الصلاة أن تجري أقلامكم بالحق و أن يفتح عالم الغيب و الشهادة عليكم من خزائن علمه                و كمان عندما تجلسون للكتابة أنصحكم أن تقرؤوا المعوذتين          قل أعوذ برب الفلق        و      قل أعوذ برب الناس           كي تبعدوا عنكم وساوس الشيطان الرجيم               يعني زيادة في الوقاية و الحماية من اللي ما يتسامش أبو قرون و ذيل              فقد يكتب الواحد أحيانا كلاما من وحي الشيطان و هو يظن أن الله قد فتح عليه من وسعه            يعني مو غلط الواحد يصلي ركعتين و يقرأ المعوذتين قبل ما يكتب             مهما كان الواحد مقتنع بأفكاره و تجلياته فما أظن في ضرر أو مانع أن الواحد يأخذ إحتياطاته كاملة من الوسواس الخناس                و ما أظن في حدى منا في مأمن من تلبيس إبليس              خصوصا إذا كان الواحد عم يخترع و يبتدع              يعني أنا كقارئ شو بيضمن إلي إن الكاتب مش بخاري جديد              بخاري عصر الفضاء            ما هو كل عصر ليه البخاري بتاعه               مشان هيك خلينا ناخد منكم كلمة رجال أنكم ما راح تكتبوا حرف إلا بعد ما تصلوا ركعتين و تقرؤوا المعوذتين               المثل بيقول لا تنام بين القبور ما بتشوف منامات وحشة       و السلام عليكم         


6   تعليق بواسطة   خالد حسن     في   الخميس 18 ديسمبر 2008
[31321]

مصطفى فهمي مرحبا

ربما تريد أن توصل لأهل القرآن فكرة  أن القصص التاريخية التي أحيانا تقوم عليها بعض المقالات وبعض الشروحات   ويستند عليها أهل القرآن في شرحهم ودحضهم لروايات أهل السنة و أهل الأسفار المقدسة  أنها قد وصلتنا بنفس الطريقة التي نرفضها


يعني أن الاخبار التاريخية التي نستند عليها  وصلتنا عن طريق العنعنات مثلها مثل الآحاديث التي نرفضها ونرفض الايمان بها فقد وصلتنا هي الاخرى عن طريق العنعنات , دعني أقولك وللأخوة الذين تختلط عليهم هذه المسألة , هذه الاخبار تبقى أخبار تحتمل الصدق والكذب وتحتمل الصحة والخطأ وليس لها أي دخل بدين الله والاسلام , فمسألة أن فتح مكة كان في السنة ال 8 أو ال6 أو 20 فهذا لا دخل له بالدين فهذه معلومات تاريخية ولا تمت للإسلام بصلة , فالإسلام هو الايمان بالله  واليوم الآخر وحسن الخلق مع الناس , فإذا قلت لي أن عمر بن الخطاب هاجر علانية أمام جميع المشركين فهذا لا دخل له بالاسلام , سواء هاجر أم لم يهاجر حتى  , سواء قلت لي أن المعوذتين نزلت بسبب أن الرسول سحر ( كذبة مفتراة ) أم لم تنزل بسبب ذلك  فهذا لا يمت للإسلام بصلة فهذه الاخبار  تحتمل الصدق والكذب , ونستطيع نسج مئات القصص والاخبار المقنعة حول أسباب النزول وغيرها


للأسف ما قام به المسلمون الأوائل أنهم جعلوا أخبارهم التاريخية دينا يتعبد به وجعلوا حياة الرسول دينا يتعبد به وهذا من الظلم ونسبوا أقوالهم للرسول لتأخذ طابع الدين والعصمة ولو أنهم  أبقوا أقوالهم ووجهات نظرهم وعاداتهم على حالها ولم يربطوها في الاسلام لكنا الآن في ألف خير ونعمة , فعندما يستشهد القرآنيون بحادثة من الحوادث أو خبر من الأخبار لا يقولون عنه أنه دين أو شعيرة من شعائر الله بل هي خبر تاريخي منفصل عن دين الله ويحتمل الصواب والخطأ هذا من جهة ومن جهة أخرى  يبين لأهل الروايات  تناقض كتبهم التي يؤمنون بها ويصدقونها وتقيم عليهم الحجة من كتبهم التي يؤمنون بها .


فأرجو التفريق إن الآحاديث وأسباب النزول وأخبار المعارك وكيف كان ينام الرسول وكيف يمشي وما أسماء زوجات الرسول ومن هو الخليفة الاول ومن كان مع الرسول في الغار فهذه أخبار تاريخية تحتمل الكذب والصدق والصواب والخطأ  ولا تمت لدين الله بصلة


7   تعليق بواسطة   سامر الغنام     في   الخميس 18 ديسمبر 2008
[31326]

للأسف الشديد

اولا اعرب عن اسفي  لكلام السيدا نجم مع الاستاذ مصطفى بهذه الطريقة ولا ادافع عنه فالاخ مصطفى يعرف كيف يدافع عن نفسه لو اراد طبعا


اذا للسيد نجم اقول طالما اخي انت سلفي وتدافع عن اباءك واجدادك وتعتقد ان الله اورثنا غير الكتاب فما فائدة الكتاب بالنسبة لمسلم مثل حضرتك ... اسمح لي ان اجاوب عنك ... انا اعرف انكم تأملون ان تأخذوا بكل حرف حسنة لا اقوال ( الم ) حرف  بل الف حرف ولام حرف وميم حرف هذا علم ماوراء القران والعبرة لأولي الالباب بعتقد كافي


قُلْ إِنَّمَا حَرَّمَ رَبِّيَ الْفَوَاحِشَ مَا ظَهَرَ مِنْهَا وَمَا بَطَنَ وَالإِثْمَ وَالْبَغْيَ بِغَيْرِ الْحَقِّ وَأَن تُشْرِكُواْ بِاللّهِ مَا لَمْ يُنَزِّلْ بِهِ سُلْطَانًا وَأَن تَقُولُواْ عَلَى اللّهِ مَا لاَ تَعْلَمُونَ


كما اريد ان اعلمك ان احبارك وشيوخك لم يعودوا يعترفوا بمسألة اسباب النزول لذلك لم نعد نراها في الطبعات الحديثة


والسلام عليكم


8   تعليق بواسطة   عمرو اسماعيل     في   الخميس 18 ديسمبر 2008
[31327]

وماذا نفعل في هذه المعضلة ؟

طيب نعمل ايه عندما يؤكد ظاهر القرآن وليس قراءة عصر الفضاء قصة وصلت لنا عن طريق العنعنة .. كما هو الحال مع قصة زيد و زينب ثم زواج الرسول صلي الله عليه وسلم ..
اليس هذا الأمر معضلة .. هل ندخل في حالة Denial رغم حسن النية بل وسموها .. ونبحث عن تفسيرات فضائية غير مقنعة ..
صدقني هي فعلا معضلة ..
Believe me my friend , you are in a state of Denial and you are trying to solve the problem in a rather weird
way

9   تعليق بواسطة   مصطفى فهمى     في   الخميس 18 ديسمبر 2008
[31328]

أخى خالد حسن مرحبا

أعلق على تعليقك فى عجالة لتصويب فهمكم عنا بالخلط حيث تقول (دعني أقولك وللأخوة الذين تختلط عليهم هذه المسألة) فنقول لا فرق عندنا بين  الأحاديث و الأخبار التاريخية (فالأحاديث)هى إخبار عن الرسول و عن الأحداث التاريخية التى كان هو طرف فيها و (الأخبار التاريخية) فهى إخبار عن الأحداث سواء كان الرسول مشارك فيها أو غيره، و الأحاديث و الأحداث كلاهما تم الإخبار عنهماعن طريق من عاصروها نقلا بالرواية و العنعنة، و المشكلة تكمن فى طريقة النقل و ليس فى الحديث أو الأحداث نفسها و أرجو الرجوع إلى مقالنا عن "علم الحديث" فهو يوضح لك وجهة نظر رفضنا فى الأخذ بها.

هذا من ناحية و من الناحية الأخرى نحن نقول أن الأحاديث و الأحداث لا تصلح و لا يجب الأخذ بها عند التصدى لفهم القرآن لأنهما يشتركان فى نفس العلة وهى علة عدم التوثيق و كذلك لأن من المنطقى ألا يرهن الله فهمنا لقرآنه بأحداث إنسانية غير موثقة

و عليه فلا تفريق بينهم و لا خلط عندنا


10   تعليق بواسطة   مصطفى فهمى     في   الخميس 18 ديسمبر 2008
[31331]

أخى سامر الليل

شكرا يا أخ سامر


و كلها ربع ساعة و تنزل كمالة للمقاله، يعنى [بارت تو] فنتظرونا و قول لصحابنا أوعوا يقفلوا المحطه على رأى الدكتورة هاله


11   تعليق بواسطة   مصطفى فهمى     في   الخميس 18 ديسمبر 2008
[31333]

(طق حنك) مقال لن يعجب الكثير [بارت تو]

نظرا لنجاح المقال و ظهور شعبيته و إجماع الأمة قررنا كتابة هذا المقال و قررنا أيضا إضافة [بارت ون] على أسم المقال الأول تيمنا بسلاسل الأفلام الشهيره

نكمل بقى الحكاية...... و لو زهقتوا قولولى

المهم ...... صحابى دول كان عينهم على حاجه تانيه و سابو الموضوع الأساسى و مسكوا فى تفاصيل الحواديت إللى لا تودى و لا تجيب و أحنا أصلا بنتكلم على موضوع العفريت و السؤال كان (أنت بالعفريت و لا من غير العفريت) ومع أنى طلبت منهم أنهم يصحصحوا معيا فى الكلام و كنت واضح جدا فى [بارت ون] و الله ... و كان سؤالى أنت بالعفريت و لا من غير العفريت ... بدليل أن فيه ناس آخرين فهموا قصدى لكن تقولوا أيه بقى ... أنا أصلى متعود على أنهم ما بيقروش إلى بنكتبه بشويش و تركيز علشان يفهموا أننا بناخد أخبارنا من القرآن و ما بنستعملش لا البخارى و لا إللى زيه و لا كتب العفريت الصفرا .... فهمنا بقى و لا ما فهمناش .... و هما كل همهم ياخدو الأخبار من العفريت .....المهم .....

صحابنا دول زعلوا منى، أصلهم فاكرين أنى متعالى على شان ساكن فى العلالى (و متعالى دى جايه من العلالى حسب لغة قريش المقرره علينا السنه دى) و طبعا أنتوا عارفين أن الجو فى العلالى جميل و نقى و مالوش ريحه و ما فيهوش تلوث و لا غبار و تلبيس و لا إبليس و فوق فى العلالى، منك لربنا و كتابه طوالى و لكن تحت السلم تلاقى الكتاب الأصفر من دول لما تفتحه تنط منه عفاريت صغننه من عيال إبليس تروح هوب داخله فى النخاشيش (نخاشيش يعنى مناخير و مناخير يعنى أنف و لذا لزم التنويه) و هوب من النخاشيش إلى المخيخ و من المخيخ تروح قاعده مستربعه فى "الإنترلوب" و طبعا كلنا عارفينها من أيام الفيلم أياه، و المشكله هنا أن العفاريت الصغننه لو أستربعت فى "الإنترلوب" ما تخرجش يا ولداه و تبقى مصيبه ..... و كل ما صاحبنا يحب يجيب خبر يروح العفريت الصغنن ناطط و قايل له سيبك يا اعم من البخارى و أمثاله دول بقوا موضه قديمه أنا عندى ليك كتب برفكس لونها أصفر مزهزه و جميل و كل صحابنا إللى أخواتى الصغننين قاعدين فى "أنترلبهم" بيستعملوها، يقوم صاحبى واقع زى الشاطر يا ولداه و هو مش عارف أن الكتب دول و دكهما، أصلهم واحد و متخدين من نفس معمل الطرشى إللى تحت السلم ..... عارفين ليه؟ ...... أصل العفاريت الصغننه مستربعة فى "الإنترلوب" بتاعه.

طيب نعمل إيه ..... فيه ولاد حلال يقولوا نجيب له طاسة الخضه و و ناس تانين يقولوا لا لا الزار أحسن و هو الموصوف فى الحلات دى ...... نعمل إية بقى ما هية دى الثقافة الصفرا ...... أما أحنا نقول له خد بأسباب الله و روح للدكتور أو أدعى فالشافى هو الله لأنه خالق السبب زى ما قولنا زمان

آخر الأخبار: و صلنا من مصادر موثوقة أن الصغننين إياهم من الممكن أن يعوجوا اللسان و يخلوه يتكلم عجمى

ملحوظة: لم نقم بإضافة أى رسوم كارتونية فى [بارت ثو] حيث أكتفينا بالكلام الكارتونى و الإنجليزى

و يبقى عرض فيلم العفريت مازال فى جيبى مستمرا بناء على طلب الجماهير (على وزن أسم الفيلم بتاع محمود ياسين و المذيعة الأمورة ماما نجوى) و هنزل عليه ترجمة (English) للى مابيعرفش عربى...... و حتى نقوم بتحضير العفريت و نطلعه، فمازال السؤال قائما بلا إجابة (أنت بالعفريت و لا من غير العفريت) و...... لا هو الكلام (طق حنك)


12   تعليق بواسطة   عمار نجم     في   الخميس 18 ديسمبر 2008
[31344]

بلاطة 2

يا خونا يا عمنا      انت يالي طالع في العلالي      إنت ما تعرفش إن اللي عاوز يمسك القرآن و يكتب و يبحث فيه لازم يكون متوضي       مش قلنا خلاص ما حدش يكتب حاجة إلا لما يصلي ركعتين       أهو إنت بقى طلعت فوق أوي أوي       ما تعرفش إن فوق ما فيش مية خالص و إن       الإتش تو أو     موجود تحت بس       نعمل إيه معاك ده الوقتي     إيه بتقول إيه؟       عيط مش سامع حاجة!!!       خدت جردل المية معاك فوق        أهو إنت طلعت ناصح و فهمان       أمال ليه ما عرفتش إن اللي تحت عندهم أنبوبة أكسجين و مش حيغلبوا في التلوث         يالي عامل حالك مصحصح و مدردح     أهو فاتت عليك واحدة        معلهش نعديهالك المرة ادي مش مشكلة      لكن أنا اللي ما أقدرش أعديها بقى    إنك واخد القرآن و طالع بيه فوق      يعني ربنا ينزله تحت و إنت ترجع تطلعه فوق    ده يصح برضك يا بيه    جبريل يقضي 23 سنة و هو عمال ينزل فيه        تقوم إنت بدقيقة مطلعه فوق من تاني       يرضي مين الكلام ده يا خوانا        قلنالك من امبارح إطلع فوق و خد معاك قاموس انت عامله         لكن القرآن ده معمول مخصوص علشانا نحنا اللي تحت        عاوز تطلع فوق بكيفك إطلع براحتك لحد ما يتقطع حيلك      لكن سيب القرآن بتاعنا         مش معقول الكلام ده يا خواتي       القرآن بيتكلم عن الصحرة والمية و الشجرة و السمكة و الأرض و الجبال و البغال و الحمير      تطلع بيه فوق عشان إيه و عشان مين          دي كل كلمة فيه بتتكلم عن اللي تحت و مع اللي تحت       و الله لو ما نزلتهوش ده الوقتي لنا طالعلك بالبلاطة         و ثمن         السلالم عليكم


13   تعليق بواسطة   شريف احمد     في   الخميس 18 ديسمبر 2008
[31345]

أرجو من الإدارة الكريمة أن توقف تلك المهزلة...!!..

إدارة الموقع الكريمة:


من الواضح إن كلاً من الأعضاء (سنان السمان- مصطفي فهمي- سامر الليل) قد جاءوا إلي هذا الموقع لتشكيك المسلمين في أصول دينهم، فهم ينكرون ما تعارف عليه من المسلمين حول معاني القرآن الكريم وشرح آياته وبالتالي فإنهم ينكرون التاريخ (علي الرغم من اعترافي بأنه ليس جزءاً من الدين)، ولكنهم ينكرونه كلية، وعليه فهم ينكرون زواج الرسول عليه الصلاة والسلام من زينب بنت جحش مثلاً، وينكرون أيضاً أن الرسول عليه الصلاة والسلام كان متزوجاً من أكثر من امرأة في وقت واحد وهكذا..... بل قد امتد هذا الضلال ليشمل إنكارهم للصلاة والحج وعدم اعترافهم بأن الكعبة هي البيت الحرام وأن الذي رفع قواعدها هو النبي إبراهيم عليه الصلاة والسلام وهكذا.....


إنني أعرفهم تمام المعرفة من كتاباتهم من خلال مشاركتي معهم فترة من الزمن في منتداهم  وقد افتعلوا تخريبه حتي يحذفوا ردود العقلاء من المسلمين عليهم وبالتالي حذف تفنيد هؤلاء العقلاء لما يهرفوا به من إنكار صريح للإسلام.... لذا فإنكم تجدون منتداهم يعج بتلك الضلالات التي تخالف شروط نشر هذا الموقع علي خط مستقيم، بل وصل الأمر إلي إغلاق منتداهم عليهم حتي لا يسمعوا صوت العقلاء فحينما يتم تسجيل أي عضو فيه لا يحق له أن يكتب حتي أي تعليق إلا حينما تطلع عليه إدارة منتداهم أولاً، فإن وجدوه يخالف مزاعمهم ويفند مقولاتهم نبذوه وراء ظهورهم ولا يسمحوا بنشره.......


إن الأفكار الهدامة التي يعرضونها هنا هي إساءة كبيرة لهذا الموقع الكريم، فأرجوا التعامل معهم بما تقتضيه شروط النشر واتخاذ اللازم نحو مخالفاتهم لتلك الشروط، إذ أن إنكار الثوابت الإسلامية هو كفر صريح بالإسلام.....


إنني حتي الآن لا أريد ذكر اسم منتداهم ولا أسماءهم ولكنني أكتفي بالإشارة إلي ذلك مؤقتاً لحين اقتضاء الضرورة التي ربما تحتم علي التصريح بكل ذلك مستقبلاً......


هذا مع العلم بأنني أتكلم هنا لمصلحة موقع أهل القرآن الكريم الذين يتدبرون كتاب الله تعالي المهيمن تدبراً حقيقياً دون تفريط أو إفراط.


أنا لا أنكر حقهم بالطبع في طرح ما يشاءون، ولكن في منتداهم فقط وكذلك وبقية المنتديات التي تسمح لهم بذلك وليس في هذا الموقع حفاظاً علي سمعته، وهذا رأيي ولا ألزم به أحداً


تحياتي لإدارة الموقع ولكل العقلاء


14   تعليق بواسطة   عثمان محمد علي     في   الجمعة 19 ديسمبر 2008
[31346]

العبرة داخل النص القرآنى .

إخوانى الكرام .نحن متفقون على رفض التراث كأداة (بما فيه من حديث وسيرة وتاريخ )لفهم النص القرآنى الحكيم ،ونعلم أن القرآن يبين بعضه بعضأ،ولا يفهم القرآن إلا بالقرآن . ولذلك أرجو - أن نجتهد داخل النص لنكتشف العبرالمنيرة داخل الآيات القرآنية الكريمات ،أو ما يسمونه (اسباب النزول ) ،فهناك تواكبا للوحى مع الأحداث الجديدة للدولة الإسلامية الوليدة ،إما لإقرار أمور وأحكام من الرسالات السابقة ، أو للإتيان بتشريعات جديدة ، أو لتصحيح تشريعات سابقة قام الأولون بتحريفها أو تضييعها . ولأن القرآن الكريم فوق الزمان والمكان ،وأنه رسالة عالمية للناس جميعاً إلى يوم الدين ،فنجده لا يهتم بالأشخاص أو الأزمان ،ولكن يهتم بالعبرة من القصص وما بداخلها من تشريعات .


ولذلك أرجو أن نهتم بالعبرة أو (أسباب النزول ) الموجودة داخل النص القرآنى .  وارجو أن نتحدث عن أمهات المؤمنين (يرحمهن الله ) بما يليق بهن ،وبما يليق بمن إنتسبن إليه (عليه الصلاة والسلام ) ، ولا تنسوا أن تكريمهن يعتبر تطبيقأ لما جاء فى سورة الآحزاب عنهن ... وشكرا لكم جميعاً


15   تعليق بواسطة   خالد حسن     في   الجمعة 19 ديسمبر 2008
[31353]

مرحبا أخ سنان (1)

أخي سنان والاخوة الاصدقاء أريد أن أوصل لكم فكرة هي أن أسباب النزول التي تقول أن الآيات نزلت لهذا السبب أو ذاك هي تحتمل الصدق والكذب و تحتمل الرفض وتحتمل التكذيب بل أن الكثير من أهل الحديث اخترعوا اسباب النزول لتشويه صورة الرسول وتشويه دين الله والاساءة لله بطرق مختلفة فهي لا تختلف عن الاحاديث الاخرى ونأخذ عدة أمثلة :



((حدثنا سعيد بن أبي مريم حدثنا بن أبي حازم عن أبيه عن سهل بن سعد ح حدثني سعيد بن أبي مريم حدثنا أبو غسان محمد بن مطرف قال حدثني أبو حازم عن سهل بن سعد قال أنزلت { وكلوا واشربوا حتى يتبين لكم الخيط الأبيض من الخيط الأسود } ولم ينزل { من الفجر } فكان رجال إذا أرادوا الصوم ربط أحدهم في رجله الخيط الأبيض والخيط الأسود ولم يزل يأكل حتى يتبين له رؤيتهما فأنزل الله بعد { من الفجر } فعلموا أنه إنما يعني الليل والنهار ))

البخاري : كتاب الصوم / باب قوله تعالى ( وكلوا واشربوا حتى يتبين ...)

أي أن سبب نزول من الفجر هي قصور عقل الصحابة في الفهم والعته , وهذا طعن في رب العزة بأنه لا يستطيع بيان كلامه مرة واحدة



((حدثنا أبو الوليد حدثنا شعبة عن أبي إسحاق قال سمعت البراء رضى الله تعالى عنه يقول نزلت هذه الآية فينا كانت الأنصار إذا حجوا فجاؤوا لم يدخلوا من قبل أبواب بيوتهم ولكن من ظهورها فجاء رجل من الأنصار فدخل من قبل بابه فكأنه عير بذلك فنزلت { وليس البر بأن تأتوا البيوت من ظهورها ولكن البر من اتقى وأتوا البيوت من أبوابها } )) البخاري : كتاب العمرة / باب قوله تعالى : ( وأتوا البيوت من أبوابها )) أي أن لولا ذلك الصحابي الذي دخل المنزل من الامام وعير بذلك ما نزلت الآية , وهذا تخريف وعته بل هي دعوا من الله للإستئذان واحترام أسرار البيوت فلماذا هذه القصة الملفقة كأننا لا نستطيع فهم مراد الله



نعود الى الاخ سنان في قصة زيد فتقول :
((حَدَّثَنِي يُونُس , قَالَ : أَخْبَرَنَا ابْن وَهْب , قَالَ : قَالَ ابْن زَيْد : كَانَ النَّبِيّ صَلَّى اللَّه عَلَيْهِ وَسَلَّمَ قَدْ زَوَّجَ زَيْد بْن حَارِثَة زَيْنَب بِنْت جَحْش , ابْنَة عَمَّته , فَخَرَجَ رَسُول اللَّه صَلَّى اللَّه عَلَيْهِ وَسَلَّمَ يَوْمًا يُرِيدهُ وَعَلَى الْبَاب سِتْر مِنْ شَعْر , فَرَفَعَتْ الرِّيح السِّتْر فَانْكَشَفَ , وَهِيَ فِي حُجْرَتهَا حَاسِرَة , فَوَقَعَ إِعْجَابهَا فِي قَلْب النَّبِيّ صَلَّى اللَّه عَلَيْهِ وَسَلَّمَ ; فَلَمَّا وَقَعَ ذَلِكَ كُرِّهَتْ إِلَى الْآخَر , فَجَاءَ فَقَالَ : يَا رَسُولَ اللَّه , إِنِّي أُرِيد أَنْ أُفَارِقَ صَاحِبَتِي , قَالَ : " مَالَك , أَرَابَك مِنْهَا شَيْءٌ ؟ " قَالَ : لَا , وَاللَّه مَا رَابَنِي مِنْهَا شَيْء يَا رَسُولَ اللَّه , وَلَا رَأَيْت إِلَّا خَيْرًا , فَقَالَ لَهُ رَسُول اللَّه صَلَّى اللَّه عَلَيْهِ وَسَلَّمَ : " أَمْسِكْ عَلَيْك زَوْجَك وَاتَّقِ اللَّهَ " , فَذَلِكَ قَوْل اللَّه تَعَالَى : { وَإِذْ تَقُول لِلَّذِي أَنْعَمَ اللَّه عَلَيْهِ وَأَنْعَمْت عَلَيْهِ أَمْسِكْ عَلَيْك زَوْجَك وَاتَّقِ اللَّه وَتُخْفِي فِي نَفْسك مَا اللَّه مُبْدِيه } تُخْفِي فِي نَفْسك إِنْ فَارَقَهَا تَزَوَّجْتهَا .

هل ترى فرقا بربك يا خالد بين هذه العنعنه التي نسبت للنبي الكريم كفعل وبين عنعنه اخرى نسبت له كقول ، كيف نرفض العنعنه المنسوبه له كقول ونرضى بالعنعه المنسوبه له كفعل )


16   تعليق بواسطة   خالد حسن     في   الجمعة 19 ديسمبر 2008
[31354]

مرحبا يا سنان

فأقول لماذا الاصرار على فهم هذه الآية من خلال هذه القصة المفبركة التي تطعن برسول الله وتحوله شهواني , لماذا لا نقول أن الرسول كان يريد بقاء زيد ابنه ويريد أن يحافظ عليه وهذا الذي كان يخفيه لذلك كان يدعو الرسول زيدا للحفاظ على زوجته ليبقى ابنه حيث لا يستطيع الرجل تزوج امرأة ولده (( وَإِذْ تَقُول لِلَّذِي أَنْعَمَ اللَّه عَلَيْهِ وَأَنْعَمْت عَلَيْهِ أَمْسِكْ عَلَيْك زَوْجَك وَاتَّقِ اللَّه )) وهذا ما كان يخفيه ولكن الله تعالى كشف ما بنفس محمد قال تعالى يبين انتهاء تبني الرسول لزيد ودليل ذلك هو زواجه من زوجة زيد (( وَتُخْفِي فِي نَفْسك مَا اللَّه مُبْدِيه وَتَخْشَى النَّاسَ وَاللَّهُ أَحَقُّ أَنْ تَخْشَاهُ فَلَمَّا قَضَى زَيْدٌ مِنْهَا وَطَرًا زَوَّجْنَاكَهَا لِكَيْ لَا يَكُونَ عَلَى الْمُؤْمِنِينَ حَرَجٌ فِي أَزْوَاجِ أَدْعِيَائِهِمْ إِذَا قَضَوْا مِنْهُنَّ وَطَرًا وَكَانَ أَمْرُ اللَّهِ مَفْعُولًا (37) ))


قد يقول قائل لماذا تخلى عن زوجته زيد فقد كان بإمكانه الغاء التبني مع الحفاظ على زوجته ولكن الله يجيب على ذلك (( لكي لَا يَكُونَ عَلَى الْمُؤْمِنِينَ حَرَجٌ فِي أَزْوَاجِ أَدْعِيَائِهِمْ إِذَا قَضَوْا مِنْهُنَّ وَطَرًا وَكَانَ أَمْرُ اللَّهِ مَفْعُولًا (37) )) لقد خشي الرسول من الناس ومن المنافقين أن يثيروا عليه الاقاويل بسبب انهاء تبنيه لزيد ولكن الله أخبره أنه هو الاحق بأن يخشى ويهاب , وزوجه زوجة زيد  ليبن للناس أن الرجل يستطيع تزوج زوجة من كان يتبناه , ثم يعقب الله بآيات تبين أن الامر الذي كان يخفيه هو التبني وليس الشهوة كما يدعي الأفاكون فيبين الله ذلك



(( مَا كَانَ عَلَى النَّبِيِّ مِنْ حَرَجٍ فِيمَا فَرَضَ اللَّهُ لَهُ سُنَّةَ اللَّهِ فِي الَّذِينَ خَلَوْا مِنْ قَبْلُ وَكَانَ أَمْرُ اللَّهِ قَدَرًا مَقْدُورًا (38) الَّذِينَ يُبَلِّغُونَ رِسَالَاتِ اللَّهِ وَيَخْشَوْنَهُ وَلَا يَخْشَوْنَ أَحَدًا إِلَّا اللَّهَ وَكَفَى بِاللَّهِ حَسِيبًا (39) مَا كَانَ مُحَمَّدٌ أَبَا أَحَدٍ مِنْ رِجَالِكُمْ وَلَكِنْ رَسُولَ اللَّهِ وَخَاتَمَ النَّبِيِّينَ وَكَانَ اللَّهُ بِكُلِّ شَيْءٍ عَلِيمًا (40) ))


ويؤكد على أن الموضوع كله على قصة تبني زيد والغاء ذلك الموضوع . والله تعالى أعلم , سواء كان قولي مقنع أم غير مقنع فالمهم ماذا تريد اخبارنا به الايات وما هو مقصدها والباقي كله أخبار في أخبار


17   تعليق بواسطة   سامر الغنام     في   الجمعة 19 ديسمبر 2008
[31362]

انا الي مابفهمش مصري فهمت

صدقني اخ مصطفى اقولها وبكل اسف لست مستهزء بأحد ولكن لن يفهم مابين السطور الا القليل وذكرتني بأبن المقفع وقصة كليلة ودمنة

طلعنا ولاد نادي واحد عفوا منتدى ..... صحيح انا مابشوفكش اليومين دول في النادي ليه ولا حتى سنان هو بيجي النادي هههههه

لاتستغرب انا اتهمت بأني فلان وفلان واني بدخل بأسماء متعددة ويمكن بكرا يقولولك انت طه حسين او ابن المقفع .... خليك واستمر وقول كل الي بيعلمك اياه ربنا

وبعدين ربنا يهدي من يريد ....المهم انا كمان بعمل زيك والله يسمع ويرى


 وترقب مني موضوع عن لمس القران جواب سيكون على طريقة ابن المقفع


 لك تحياتي الحارة

هوا اسمو ايه منتدانا .... والله نسيت ... ياريت تزكرنا يلي انت عارفو؟؟؟؟؟؟؟


18   تعليق بواسطة   عمار نجم     في   الجمعة 19 ديسمبر 2008
[31366]

بلاطة 3

دي الوقتي بس عرفت إنت ليه بتلخبط في القرآن      أصل القرآن عاوز دماغ      هو اللي حيتيمم مش عاوز تراب يعني       التراب بقى موجود تحت بس       فوق برضك مش حتلاقي تراب           يبقى لازمن و أكيد حتشيل على قفاك شوال تراب عشان تتيمم         بس أوعى تفتكر إنك حتستغني عن المية       لحسن بعدين تطلع ريحتك وتعمل تلوث فوق         وإنت راجل ما تقدرش عالتلوث        إلا قولي صحيح هو إنت مش بتشرب خالص        الله!! تكونش عفريت و إنت مش داري بروحك       يا بختك يا عمي عفريت و لا حدش قدك         عفريت فاكر روحه بني آدم        روح ربنا يعفرتك كمان و كمان          لو صحيح عاوز تصلح الأمور كنت تنزل تحت تشوف الناس و توعيها       مش تهرب فوق        هو إنت ما بتقراش جرايد         دي الناس ليل نهار بتقول الحكومة مستخبية في القصور العالية       و متربعة و مبرطعة على كراسي العاج        الناس عاوزة اللي ينزلها و يطبطب عليها        ده الطبيب مطرحه بين المرضى مش فوق في العلالي         ده ربنا بجلالة قدره لما يحب يصلح اللي تحت ينزلهم كتاب مع جبريل        و إنت مصر تطلع الكتب فوق       إيه العفرتة دي يا ربي         و أخونا اللي خش معانا و إداك بلاطة من عنده         بصراحة معاه حق و نص       لأنه خايف تكون بخاري تو        يعني القرآنيين كشفوا بخاري ون        و ريحونا من بلاويه       إيه يضملنا إنك مش واحد من رجالته لابس و متقمع زي الأفندية      هو إحنا ناقصينك       ده إحنا ما صدقنا خلصنا من بخاري ون       تقوم إنت جاي متنكر عشان تعملنا فيلم بخاري تو         لا يا صاحبي كان غيرك أشطر      و ما عادتش تعدي علينا أبدا أبدا       لابس جلابية مش حتعدي    لابس عفريتة مش حتعدي       لابس زي رواد الفضاء مش حتعدي       لابس من غير هدوم برضك مش حتعدي       ده إنت ما عرفتش تفهم كلمتين و جاي عاوز تعلم الناس القرآن       في بلاطة 2 قلنالك معلهش حنعديهالك إفتكرتنا بنقلك مش حنعديهالك         يكونش عقلك متركب عالشمال      عشان كده كل حاجة تقلبها و تلخبطها زي المولينكس       نقولك ديك تقولنا إيمتى حيبيض        نقولك تيس تقولنا إحلبوه       نقولك ثور تقولنا عاوز أتجوزه      ثور يا عمنا ثور         ده دكر تتجوزه إزاي       تقولنا أصل الجواز بتاعنا إن نبقى أنا و هو منتخب و شلة       خلاص أتجوز الثور زي ما إنت عاوز       بس خود بالك الثور مش بيفهم في القاموس بتاعك       و يمكن ياخد الحكاية جد و تبقى مصيبة         و بالتوفيق بالجوازة           إلا ما قلتلناش هو الفرح برضك حتعملوه فوق


19   تعليق بواسطة   عمار نجم     في   السبت 20 ديسمبر 2008
[31375]

يا عمنا ياللي فوق

يا ريت و حياتي عندك تصلح اللوكال بتاعك أصلها متلخبطة            أمرنا لله إنت تلخبط و إحنا نصلح من وراك           ممكن و لا مؤاخذة نعرف منك هو لسة في بارتات جاية في الطريق           يعني وصلنا لحد دي الوقتي البيتي فور         عشان نحضر البلاطات و نوضبهم             زي ما إنت عارف البلاط محتاج تلميع و سنفرة و بوية         آه أمال إنت فاكرها زي طق الحنك بتاعك        خود بالك في حد مستأصدك              التعليق ما كانش يتحذف عشان في عيب فني            التعليق كان بيتحذف عشان فيه عيب أدبي         كان بيتحذف عشان تفهم إنه مش و لا بد يعني              يعني عدل الموجة يا بيه           آه يا عيني على اللعب و اللعيبة            عامل روحك مش فاهم الأسباب           ده إسمه إيه بقى          نقول طناش و تذاكي              إلا صحيح لما كان التعليق يتمحي ما استدعتش الأسباب بتوعك ليه              مش إنت برضك معلم في الإستدعاء              تلاقي الأسباب ما إدتكش وش         و قالتلك إستدعاء مين يابا        هو إنت تكدب الكدبة و تصدقها             قال جاي يستدعي          اتأدب لحسن أقرى عليك              و أنزلك لسابع أرض و إبقى خلي الإستدعاءات تنفعك           و بالتوفيق    


20   تعليق بواسطة   عثمان محمد علي     في   السبت 20 ديسمبر 2008
[31380]

الأستاذان الكريمان -مصطفى فهمى -و- عمار نجم .

إخوانى الكرام أرجو أن تعودا لمناقشة (صلب موضوع المقالة) إن أردتما إكمال التحاور بينكما، وإلا فلا داعى للتعليقات التى تنقص من قدركما ولا تتناسب مع سياسة الموقع ،ولا مكانته ومكانة قراءه .فأنتما من رواد الموقع ويجب أن يتعلم منكما الجميع ،ولا أعتقد أن تعقيباتكما الآخيرة ترضيكما أو ترضى القراء .فرجاءاً بإسمى (كقارىء ) أن نعود جميعاً إلى ما يضيف إلينا وإلى الآخرين ،وإلى الرقى مرة أخرى بالحوار بيننا جميعا ً ... وشكرا ً لسعة صدركما وتفهمكما ....


21   تعليق بواسطة   مصطفى فهمى     في   السبت 20 ديسمبر 2008
[31387]

أخى عثمان محمد على

أما عن تعليق شريف أحمد 31345 فسوف نتجاوز عنه كما تجاوزتم عنه أو فات عليكم ملاحظته بدون إجراء، مع ما فيه من تجاوز لا يجوز و لا يليق كان من الأفضل أن يربأ بنفسه من الوقوع فيه، و نكتفى له برد الأخ سامر الغنام        و لكم الشكر


22   تعليق بواسطة   عمار نجم     في   السبت 20 ديسمبر 2008
[31393]

أخي الأستاذ عثمان

المشكلة أخي العزيز ليست في التعليقات           المشلكة في المقالة نفسها              فهي بإعتراف كاتبها مجرد طق حنك  لو قمتم بقياس المقالة على شروط النشر فستجدون أن الكلام كله خروج عن شروط النشر          و السلام عليكم


23   تعليق بواسطة   مصطفى فهمى     في   الأحد 21 ديسمبر 2008
[31421]

أخى عمار نجم

أما عن مقالنا أعلاه فإنى تعمدت كتابة مقال مستقل حتى لا يكون فيه توجه مباشر لأحد و بنيناه لمجهول حتى لا يحرج أحد و عنوناه بهذا العنوان و كتبناه عن عمد من حيث الشكل بهذا الأسلوب الساخر الغير معتاد عنا، لنبين للقراء من حيث الموضوع أن هناك مداخلات على كتاب المقالات أو تعليقات المعلقين، تأخذ أسلوب التعليق الساخر و الغمز و اللمز و تصيد الكلمات الانتقائى و الاستهزاء و اللرمى بالباطل و الهجوم بطريق لا يليق و ضمنا المقال موضوعا نرى من وجهة نظرنا أنه هام و مبين للتناقض الذى يقع فيه الكثير، و أعتقد - و لست أظن - أن المشرفين فى هذا الموقع و تفهموا الغرض من المقال و إلا كان رفع من أول يوم.

و ما جاءنا من تعليقات و اتهامات، فإن كان يدل على شئ فيدل على صواب ما طرحناه و ذهبنا إليه من حيث الشكل و الموضوع ، و كان تمادينا فى الرد على التعليقات عن عمد أيضا (وكان لنا سابقة فى ذلك لم يربطها أحد بنتيجتها) لتصل التعليقات إلى ما وصلت إليه لنبين أنه لا يكون هناك طائل من تلك الأساليب و لا يعتقد أى عاقل إنى كنت مستمتع بذلك بل على العكس كنت أنتظر من إدارة الموقع وقف ذلك، و قد أوقفته مع ترك بعض البقايا منه نضطر لمعايشتها و التعامل معها


24   تعليق بواسطة   مصطفى فهمى     في   الأحد 21 ديسمبر 2008
[31428]

شريف أحمد

تعليقك رقم 31345 ينقسم إلى قسمين:

القسم الأول منه يعتبر فكرا نموذجيا لنوع الفكر الذى نحاول تعريته و كتبنا مقالنا لكشفه و أتيت أنت بتعليقك لنا و للقراء مشكورا بمثال حى يؤكد معنى مقالنا و يعطيه مصداقية و واقعيه.

و كما قلنا سابقا إننا كنا قد كتبنا مقالنا مبنيا للمجهول فبفضل مشاركتك بتعليقك جعلت من مقالنا مبنى للمعلوم، و أعتقد - ولست أظن - أن الإدارة بذكائها المعهود تركت تعليقك ليكون شاهدا على ذلك، فبقراءتك للتعليق رقم 31346 قد تتفهم ذلك.

أما القسم الثانى من تعليقك فلا يستحق منا أو من غيرنا إلا تركه


25   تعليق بواسطة   مصطفى فهمى     في   الإثنين 22 ديسمبر 2008
[31438]

أخى أحمد شعبان

إنها مهمة من الضرورى إنجازها و كلّ يعمل فى مجاله و الله المستعان، فنشكركم على التأييد


أضف تعليق
لا بد من تسجيل الدخول اولا قبل التعليق
تاريخ الانضمام : 2008-09-30
مقالات منشورة : 50
اجمالي القراءات : 1,131,511
تعليقات له : 406
تعليقات عليه : 709
بلد الميلاد : Egypt
بلد الاقامة : Egypt