شيخنا السلفي الوهابي علمنا الإسلام مقلوب
ودين السلام على إيده بقى إرهاب وحروب
قالنا قتل الأعادي وسبي نسوانهم ده مندوب
ربنا حللهم لنا ننكحهم ونضربهم بالمركوب
ونخلف منهم عشان رسولنا يباهي بينا الشعوب
شيخنا بعتنا نفجر نفسنا ونستشهد شمال وجنوب
وقال لنا الشهادة جزاءها من حور العين مكتوب
وبقوة سبعين حتنكحوهم من الشروق للغروب
فكنا نتسابق على الاستشهاد وعقلنا مسلوب
وأما شيخنا الهُمام أبو لحية فطلع لهلوب    
متجوز أربعة وبيغير كُل كام شهر جروب
ويقولنا في الخطبة إن العفة هي المطلوب
عايش في قصر ويقولنا ربنا ده رب قلوب
فخليك قنوع لأن الفقير عند ربنا محبوب
وحيدَخَّل الجنة إللي هدومه قربت تدوب
الشيخ عيي وسافر برة يتعالج بحقن وحبوب
عند الكفار وسابنا نتعالج بلبن الناقة الحلوب
والحبة السودة وبول البعير والكي عالعرقوب

ولما رجع روحنا المطار نستقبل الحَبُّوب
قالولنا دا رجع خلصان وشكله بقى كركوب
قطعوله رجله وكمان خلُّوه مجبوب
فرجالته شالوه في الهامر هيلا هوب
ومات الشيخ وبعدها قابلنا شاب موهوب
قال لنا كلام عجيب بس في القرآن مكتوب
إن كُل إللي الشيخ أمرنا بيه شيّلنا ذنوب
وإننا لازم نكفر عن جرايمنا ولازم نتوب
لأن الإسلام دين سلام ورحمة في القلوب
مفيهوش اغتصاب أو أكل مال منهوب
ولا قتل عشوائي للمسالم أو إرهاب للشعوب
وإن ربنا رحمن رحيم توَّاب بس كمان مرهوب
أمرنا بالبر والقسط وكُل ما هو إنساني محبوب
فعزمنا على سلوك صراطه وأن نهجر الدروب
دروب الشيطان التي أخذنا فيها شيخنا المنكوب
برواياته الإبليسية عن أبي هُريرة وابن ثعلوب
وعُدنا نتدبر كتاب الله فنعم الكتاب ونعم المكتوب