الحلقة الثانية:
يوم في بيت النبوة
نهاد حداد Ýí 2016-12-23
نعود ونقول ، أننا لا نصدق الأحاديث التي افترتها كتب التراث على نساء النبي ، حيث صوروهن لنا كضرائر لا يراعين في بعضهن إلا ولا ذمة ! بل غاية ما يبحثن عنه ، هو الدنيا الزائلة ، والتنافس على قلب النبي وسريره ، عوض تلاوة القرآن والحكمة كما جاء في القرآن الكريم ! وإذ نحن نكتب هذا ننزه مرة أخرى بيت النبوة مما لفقه له التراث من كذب وزيف !
بعد ذهاب أبي هريرة ، هرعت إحدى الجواري إلى بيت سودة بنت زمعة لتخبرها عما يجري بين زينب وعائشة فوجدتها تطارد بعصاها فويسقا علق بقصب سطح غرفتها !
-الحقيني ياستي !
-الله لا يسامحك يابت ، حرمتيني من أجر قتل الفويسق !
-مش وقتو يا سيتي ، دي الست عيشة والست زينب دابين خناقا لرب السما !
-تاني ، هي البنت دي مش هاتجبها البر ؟
-أنا خايفة لابو قطة يروح يقول لعمر ويطلع علينا بدرتو يجيب عليها واطيها !
- وهو هيعرف منين يعني؟
- دة لسة كان عالباب من شويا !
- ياخراب بيتك ياسودة ، هو احنا ناقصين ؟
- استهدي بالله ياعيشة يابنتي ، وانت يازينب ، تعالي ياحبيبتي ، هو انت هاتعملي عقلك بعقلها ، دي بردو لسة عايلة ومش لازم تعملي راسك براسها !
- عيلة مين انت كمان ؟ انت ماسمعتيهاش قالت ايه ؟
- ولاعايزة اسمع يابنتي ،انا ال فيا مكفيني ! تعالي معايا ياعيشة الله يرض عليك تعالي ! وانت يازينب ، مايصحش جوزك ييجي ويلاقيك عالحال دة ، دخليها بيتها ياخولة واعدلي حالها ارجوك !
- ( ذهبت عائشة مع سودة ، وتبعتهما حفصة )
- قعدي يابنت ، انا عندي ليكي خبر هيفرحك !
- هو هييجي منين الفرح ؟ ولو اني زينب دي مقدور عليها ! وانا تعودت عليها خلاص ! انا ال غيظني ماريا دي ال عاملها بيت لوحدها ومش راضي يساكنها معانا !
- آه بقا ، قولي كدة ! الظاهر انك موش ناويا تقصري الشر، هو انت تسيبي واحدا تشبطي في التانية ! وبعدين معاكي ، دي هدية المقوقس ، وملك يمين بس!
- آه بقا ، منين هي جارية ، ومنين هي ال يسكنها في قصور اليهود ويحطلها العبد المخصي اياه يخدمها ليل نهار واحنا هنا نشتغل بادينا !
- هو معذور برضك يا حبيبتي ، دي جابتلو الواد ولازم يراعيها هي وابنها !
- اديكي قلتيها بعضمت لسانك اهو ! ابنها ! دا حتى مابيشبهوش !
- لا لا ياعيشة ! حرام عليكي ! د والله شبهو الخالق الناطق !
- مانا عارفا ، انا بس حبيت أغيظو المرة ال فاتت لما جابهولي وقلتلو انو مش شبهك !
- شوفتي هو بيحبك أد إيه يابت ! دة والله لو كان حد غيرك اتجرأ وقالوا نفس الكلام كان عمر وداه ورا الشمس !
- دة من غيظي بس !
-انا عارفا ياحبيبتي عارفا ! بس هو لو ماكانش بيحبك ! كان استحمل كلامك عن خديجة؟ قال حمراء الشدق قال ! انا عارفا جبتي الوقاحة دي منين ، مع ان ابوك راجل طيب وفحالوا !
- عندق حق ، انا زودتها حبتين !
-طب ايه قولك انك حتبقي افضل وحدة عندو و هيفضالك كمان اكتر من اي واحدة فيهم ؟
-ازاي بقا يا ناصحا ؟ كان غيرك أشطر !
-انا حاتنزلك عن حقي فيه ، وخودي ليلتي !
-لا لا ، أنا مقدرش اوافق على كدة ، لا! دا نت افضالك مغرقاني وفمقام ولدتي برضو !
-طب وازا كان هو موافق ؟
-والله؟ ربنا يخليك ليا ياحبيبتي ! موه ! ( ... )
بس كمان الأمر مايسلمش، هم الستات التانيين هيسكتوا ؟
-هما مالهومش دعوة ! انا طلبت منو كدا فعلا وهو وافق.
-طب ليه؟
-يابنت أنا مابقاش فيا حيل للحاجات دي! أنا كل النا عايزاه من ربنا ! انو يحشرني مع أهل البيت !
- ايوا ايوا يوا !
- في ايه ياحفصة ؟
- بس بس ياخت! انا فهمت دلوقت ! انت اتنازلتي لعيشة عن ليلتك عشان مايطلقكيش مش كدة ؟
لا ياحبيبتي لا ، ربك والحق ! انا ال تعبت وقلتلووا ان مش حقدر أوفي بواجبي ، وهو كتر خيرو -عشان مايظلمنيش ، سألني إزا كنت عايزا اطلق ! وانا طبعا رفضت ! هو دا كل ال حصل !
وبعدين بيني وبنكو يابنات ، انتو كل واحدا فيكو زي القمر! انا هاجي فين جانبكو! الواحدا مننا لازم تختشي على دمها برضو ! السن ليه حكمو ! هو انا حمل غسل كل ساعة والتانية ! دي حتى البنت خولة الله يسامحها ! معرفش حاطا نقرها من نقري ليه ، ومبتجبلش ميا اتوضا الا فين وفين ! اناعارفا انو بس عايز يتقي ربنا فيا ويقوم بواجبو ! وانا عفيتو من دا واجب ! ( هههههههه) !
- اخص عليك ياسودة ، دحكتيني ولو اني مليش نفس !
- ياخت اضحكي ! ماحدش واخد منهاحاجة !
- نيالك ياعيشة ياخت ! بيضالك في القفص ! صحيح يدي الحلق للي بلا ودان ! (استغفر الله العظيم ).
- قصدك ايه ياحفصة؟
- ولا حاجة ياخت ! اناحقوم أشوف ال ورايا !
- ، ستي ، ستي !!
- فيه ايه يا خولة ؟
- الحقي ريحانة ؟
- مالها دي لخرى؟
- راسها والف سيف تطلع برة هي والواد شاوول ؟
- ومالو ! فيها ايه يعني ؟ مانت عارفا انو الحجاب مش مضروب عليها هي وماريا ، انت عايزة تشعلليها نار والسلام ! ما تسيبيها براحتها ياخت ، هو ال حصلها هي وأهلها ده شويا ؟
- منهم لله بقا ، هما ال جابوه لنفسهم !
- انا والله صاعبانا عليا البنت دية ، مافضلهاش حد ، وهي ياحبة عيني متشعلقا في الواد ! دة من يوميهامابيبطلش عياط ، وبيقوم مفزوع من النوم ، مع انها جابتهولي ورقيتو كذا مرة !
- انا عارفا ماسبهوش مع والدتو ليه ؟
- منها لله ! اهي راحت لحالها واحنا ال ادابسنا فيه ! عاملالي فيها بطلة ! قال ادبحوني مع اهلي قال !
- قال ياخت عندها كرامة ! ( ههههه ) !
- اهم غاروا فستين داهيا ياختي !
- آه ! هم غارو فستين داهية ، والست مارية تربعت على عرش قلعتهم !
- عيييييييييييشة !
اجمالي القراءات
7999
للمزيد يمكنك قراءة
:
اساسيات اهل القران
أضف تعليق
لا بد من تسجيل الدخول اولا قبل التعليق
بطاقة
نهاد حداد
| تاريخ الانضمام | : | 2014-05-04 |
| مقالات منشورة | : | 134 |
| اجمالي القراءات | : | 1,609,931 |
| تعليقات له | : | 127 |
| تعليقات عليه | : | 558 |
| بلد الميلاد | : | Egypt |
| بلد الاقامة | : | Egypt |
دعوة للتبرع
مقالات من الارشيف
more
وزر: ما هو الفرق بين كلمة (وزر ) بكسر الواو وسكون...
أ : عبد الفتاح عساكر: بعث الكات ب الاسل امى الاست اذ عبد الفتا ح ...
الحيض والصلاة: تعرضت لحادث واصاب نى نزيف وادى لطول فترة...
الصوم فى القطبين: ما رايك فى فتوى العلا مة الكور دي ...
عن الصلاة من تانى : تعلمن ا ان نصلى صلاه الظهر و العصر بصوت غير...
moreالرئيسية | عن الموقع | التيار القراني | القرانبحث | الاتصال| اساسيات اهل القران
Copyrights (c) 2006 MAH جميع الحقوق محفوظة(amir@ahl-alquran.com)