عصافير صادق أفندى الصادق جدا جدا

السبت ٠٧ - نوفمبر - ٢٠٢٦ ٠٣:١٣ مساءً

عثمان محمد علي Ýí 2026-09-20

		عصافير صادق أفندى الصادق جدا جدا 

		الدراما المصرية عبرت عن الفساد فى مصر فى صور كثيرة منها هذه الصورة من مسلسل (عصفور النار ) التى كان صاحبها يُسمى (صادق أفندى) وواضح أنه هناك علاقة نسب وخيط يربطه ب(الصادق جدا جدا ) و(الشريف جدا جدا ) .

		فصادق أفندى كان أمين مخازن شونة لتخزين القمح . فسرقها ، لكنه كان حرامى خايب وبجح .

		فحصل عنده عجز 1123 أردب قمح (ش 168000 كجم )

		فسأله المُفتش::

		العجز 1123 أردب فى شهر يا صداق أفندى ؟؟

		صادق أفندى ::

		العصافير العصافير يا أفندى ، تقولش غيلان !!!! 

		سبحان الله :: العصفورة قد كده ، وبتاكل قد قد قد كده .

		المفتش ::

		يا صادق أفندى مهما العصفورة تاكل لا يمكن يوصل العجز 1123 أردب فى شهر ..دى الكمية دى كانت تكفى القطر كُله شهر بحاله عيش بلدى وإفرنجى وبسكويت كمان !!!!

		صادق أفندى ::

		منهم لله العصافير لازم خُطة حاسمة ، لازم حرب إبادة لمقاومة العصافير .

		انا هنا يا أفندم بأقاوم العصافير بإمكنيات ضئيلة جدا جدا 

		راحوا يسألوا غفير الشونة :::: 

		فين القمح يا غفير .صادق أفندى قال أن العصافير أكلتهم ؟؟

		الغفير ::

		ده العصافير وناس بلدنا .ما يقدروش ياكلوا 6 أراديب قمح فى سنة .. يبقى العصافير حتاكل 1123 أردب فى شهر ياناس ؟؟

		صادق أفندى الصادق جدا جدا :::

		رفد وطرد الغفير لأنه قال الحق ،وثبت تُهمة سرقة القمح على صادق أفندى .

		==

		ياترى العصافير الجديدة أكلت فلوس وموارد مصر والقروض اللى إستلفتها ، وراحت بها زامبيا .

		وسابتنا فقراء قوى قوى .

		ولازم نستعد لأكل ورق الشجر .

		وأوعوا تفتكروا أن الأكل والشرب هم أهم حاجة فى الدنيا .

		المهم نحارب (الإرهاب المُفتعل) .

		وأن عصافير ثورة يناير 2011 هى اللى أكلت المحصول اللى جه بعدها كمان ، ولا مين اللى أكل المحصول ؟؟؟؟؟

اجمالي القراءات 851

للمزيد يمكنك قراءة : اساسيات اهل القران

أضف تعليق

لا بد من تسجيل الدخول اولا قبل التعليق

بطاقة عثمان محمد علي

تاريخ الانضمام	:	2006-07-24
مقالات منشورة	:	1213
اجمالي القراءات	:	10,113,168
تعليقات له	:	6,527
تعليقات عليه	:	2,769
بلد الميلاد	:	Egypt
بلد الاقامة	:	Canada