الحقونا زوجي عايز يكسر الحمام علشان الكعبة!

الأستاذة كوثر  بصوت مخنوق في التليفون :: إلحقنى ياعمى (حماها والد زوجها ) زوجى  عايز يكسر الحمام !!!
وإتصلت بوالدها ::     إلحقنى يا بابا أبو بكر عايز يكسر الحمام !!!

جاء ابوها وحماها على وجه السرعة :
في إيه يا ولاد ،في إيه يا أبو بكر ،في إيه كوثر ؟؟

 كوثر ::
أبو بكر  عايز يكسر الحمام !!

الأبوان ::
ليه يا ابنى انت لسه جاى من السعودية النهاردة ، وعايز تكسر الحمام ليه ، مش عاجبك ، ولا فيه مشكلة سباكة ، ولا في إيه ؟؟

 أبو بكر ::
القاعدة بتاعته في إتجاه القبلة ، وكمان السباك عامل فيه مبولة . وده مخالف لسُنة رسول الله  صلى الله عليه وسلم ، وإحنا ناس مسلمين وملتزمين ، ومش حنيجى نخالف رسول الله على آخر الزمن . فالرسول صلى الله عليه وسلم نهانا عن (إستقبال ،وعن إستدبار الكعبة والقبلة في قضاء الحاجة ، ونهانا عن التبول وإحنا واقفين) .

الأبوان ::
إيه يا ابنى الكلام ده ،

طول عُمرنا بنركب القاعدة البلدى أو الإفرنجى حسب مساحة الحمام ،وحسب إتجاه مواسير الصرف .

مالها دى ومال الكعبة ،ومال القبلة .

 القبلة دى للصلاة يا إبنى ، والكعبة لمعرفة إتجاه القبلة ،وللطواف في الحج والعُمرة .

 إيه دخلها بالحمام ودورة المياة ؟؟

 أبو بكر ::
علشان إحنا مش ملتزمين بالسُنة  فبنبنى وخلاص .. لكن ما ينفعش لازم نتمسك باحاديث الرسول وبكلام أئمة الفقه .
ففي البخارى ومسلم والنسائى والترمذى . وفى فقه الشافعى ومالك وابن حنبل والحنفية  روايات وأحكام تُحرم إستقبال،او إستدبار القبلة في قضاء الحاجة .
وفى النهى عن التبول واقفا .

في الوقت ده كان وصل أخوه الكبير المهندس عصام . فدخل في الحوار ، وعرف منهم سبب صوتهم العالى . فقال :
اسمع يا أبو بكر  أنت ليه مش بتقول أن المشكلة اللى أنت عاملها دى بسبب روايات قراتها ولا سمعتها  أن متناقضة مع بعضها .

 ففي روايات تُحرم ، وروايات تُنكر عليهم التحريم ، وتقول أن النبى صلى الله عليه وسلم كان يستقبل ويستدبر القبلة وهو يقضى حاجته 

وأن فيه روايات بتقول أنه كان يبول واقفا .

 فأنت ليه واخد روايات التحريم والمنع والنهى ،وما بتاخدش الروايات التانية ؟

أبو بكر::
لا مفيش روايات تقول أن النبى عليه الصلاة والسلام كان يستقبل أو يستدبر القبلة ،او يبول وهو واقف .

المهندس عصام ::
لا فيه لكن أنت اللى ما بتقراش  . اسمع ياسيدى  :
أن النبى كان يستقبل ويستدبر القبلة في بيت حفصة.
وكان يبول قائما .

 والصحابة ما كانوش بيفكروا في المواضيع دى خالص .
وأراء لفقهاء أجازوا ذلك ،وقالوا النهى مرتبط لو كان في الخلاء فقط .لكن لو في بنيان فلا منع ولا تحريم ولا نهى .
وإبن حزم قال روايات التحريم والمنع روايات ضعيفة ولا يؤخذ بها ،لأن روايات جواز إستقبال وإستدبار القبل  والتبول واقفا أصح  وأقوى .
فسيبك من الكلام بتاعك ده ....

حمام متكلف فوق ال100 الف جنيه عايز تكسره ؟؟
ياعم روق كده وفوق .

فقال أبوه ::
يا أبو بكر :  هل ربنا حرّم الموضوع ده ، يا ابنى أنا باقرأ قرءان على طول ،ما لقيتش غير آيات الوضوء والغسل من الجنابة .

 ومفيهمش أي أوامر تُحرم أو تمنع إستقبال أو إستدبار القبلة في الحمام .
يا ابنى : سيبك من الكلام ده ، ومتنكدش علينا وعلى عيالك ومراتك ، الله يرضى عليك .

أبو بكر ::

ربنا بيقول (إن الله يحب التوابين ويُحب المتطهرين ) .

المهندس عصام :
يا أبو بكر  :: دى معناها أنك لما تعمل ذنوب  تستغفر وتتوب إلى الله بسرعة .

وتُطهر قلبك وجوارحك من إرتكاب المعاصى .

 مالها ومال موضوعنا دلوقتى ؟؟

أبو بكر ::
 وتقول إيه في أمر الله للنبى عليه الصلاة والسلام ( وثيابك فطهر) ؟؟

المهندس عصام :
يا حبيب قلبى  :: مالها دى ومال موضوعنا ...

دى آية قرءانية تأمرنا بأن نلبس ملابس نظيفة وأنت بتقابل الناس ،وأنت في اجتماع ، وأنت في الشارع ، وانت بتصلى .

وانك تكون ملابسك نظيفةعلى طول .

وأن ملابس الشغل تغسلها وتنضفها أول بأول .
فمالها ومال دخولك الحمام ؟

 ياعم إقلع هدومك كلها وانت في الحمام لو مش حتقدر تحافظ عليها . ههههههههههههههه

أبو بكر ::
ما النهى والتحريم ده نوع من تعظيم شرائع الله في تعظيم مكانة الكعبة والقبلة .

والد الزوجة :
يا أبو بكر يا إبنى  :تعظيم شعائر الله يكون فى الإتجاه إليها فى الصلاة ، وفى الطواف حولها كركن من أركان الحج والعُمرة .

فهنا يكون تعظيم لأمر الله جل جلاله وليس تعظيما لمبنى وأحجار الكعبة نفسها .

فليس فى الإسلام تعظيم لحجر مهما كان مكان وجوده .

التعظيم والتقديس يكون لأمر الله جل جلاله بتطبيقه وتنفيذه .
 

المهندس عصام ::
يا أبو بكر : ما تخلطش  بين تشريعات ربنا سُبحانه وتعالى ،وبين أراء الفقهاء ،علشان ده حيعرضك لخطر كبير يوم القيامة ،وممكن يضيع عملك الصالح كله .

لأنه من غير ما تشعر حيكون شرك بالله في تشريعاته .

والشرك يضيع عملك كله يوم القيامة يا حبيبى ،فخلى بالك .

الوالد ::
اسمع يا أبو بكر ::: لو مش عاجبك الحمام ،خلاص قدامك الغيط كبير وواسع ، وأقضى حاجتك فيه .

 الصحابة كانوا بيطلعوا للخلاء أعمل زيهم  ومتوجعش دماغنا  .

الجميع دخلوا في حالة ضحك هستيرية . هههههههههههههههههههههههه.

 اعملى لنا عشاء يا بنت يا كوثرعلشان أبوكى ،وعصام وأنا كمان .

حماتك نامت من زمان وما اقدرش أصحيها تعمل عشاء ،حتطردنا برة ههههههه .
 

كوثر ::

انت تأمر يا عمى .
 10 دقايق وأحلى عشاء يبقى جاهز لكم ، ولأبو بكر كمان ، مش كده يا بكر ؟؟؟

أبو بكر ::

 أنا ؟؟

كوثر :
أيوه أنت  تعالى معايا المطبخ ساعدنى ،انت بتعمل السلطة حلو قوى أحسن من الشيف شربينى  ، وسيبك من الحمام .

 الجميع  روح يا شربينى (وأقعد) ساكت  هههههههههههههه.