ا

1-   الأغاني الفلكورية:

أبو الخد صابوني:

مسيك بالخير يا عود القنا يا روح ( وأحياناً تقال يا فوح بمعنى فواح  أو ذي الرائحة العطرة)

يا اللي الملابس على جسمك ترد الـروح

لو فتني فرد ليله  لأعلمك في اللــــــــوح

وأعلم الطير على بابي يجي ويــــــــروح

وأبعت سلامي مع النسمة مكان ما تروح

مسيك بالخير يا عود القنا يا أســــــــــمر

وإن فتني فرد ليله أعـــلمك في دفتــــــــر

شهدهم ليالي الهوى يا حلو من مصغــــر

مسيك بالخـــــــير يا أبو الخد صابونـــــي

من يوم ما شفتك عيونك دول صابونـــــي

مسيك بالخير يا أبو بدلة على خـــــــــدك

حبك ضناني وشرابك على قــــــــــــــــدك

يومن تيجي عند مني لأكتب لك في اللوح

وأعمل عزومة تقضي اللي يجي ويــــروح

وأعلم الوز الأخضـــــــــــر البكا والنـــــوح.

   مشمش الغرب:

يا مشمش الغرب يا متبـــــاع يا غــــالي

خايف يطول بي المطاف يا خلي تنساني

تترك بعشمي وتلقالك ولــــــــــيف تانـــي

والله إن نستني رب العرش ما ينسانــــي

محبة العين فضنا  يا جمـــــــــيل مـــــنها

دي محبة القلب معنهاش رجـــــــوع تاني

تقدر تعد الحصا تقدر تعد الرمل

تقدر تفصل دوايا من جلود النمل

تقدر تعد النجوم في الليل ولا تتمل

هالبت ما تحوجك الأيام وتجينـــــي

وتمسك في قبتي وأقولك ارخــــيني

  أربعين نبوت:

راحوا وقالوا دي قليـــــلة نظـــر

كداب يا اللي تقول دي قليلة نظر

دي تلضم الابرة في ضي القمـــر

راحوا وقالوا دي بيضة رجّيجّة رقيقة

كداب يا اللي تقول دي بيضة رجيجة

دي اسورة الصايغ طلعت ضيقة

راحوا وقالوا دي قليلة رجـــال

كداب ياللي تقول دي قلـيلة رجال

دي أربعين نبـــــوت غير العيال

يا اللي في القصر العالي مدي ايديكي سلمي

وإن كنت يهودية على إيدي واسلمي

عليل عليل يا تـــمرجــــية

ليل عليك وليل علــــــــــيه

الحكاية في البتا والبتا فوق الخص

والخص عاوز حطية والحطية عند النجار

والنجار عاوز مسمار والمسمار عند الحداد

والحداد عاوز بيضة والبيضة عند الفرخة

والفرخة عايزة شعيرةوالشعيرة في الجرون

ما يجيبهاش إلا أحمد... إلا أحمد أبو جرون.

      أمثـــــــــــــــــــــال:

إن فاتك بنات مصر خد من بنات القصر

جبال الكحل تفنيها المراود

وكتر المال يفنيه السنين

تركت جرتي حداهم قلت متلايم

سحبوا البهايم وقالوا فيه يا دايم

 ربي رماني مع كبشان وبهايم

ما يعرفوا المركب الغارقة من العايم

من جاور الهف يتلف

ويصبح على جول جايل( قايل)

ومن حاش قدمه عن الناس بعته وراه الرسايل

بلحة ورث ولا عشرة شحاتة.

 وأيضا: قط مِلْك وجمل شرك.

ضاقت عليك الوسيعة يا بدر تخرا فين.

الشرط قبل الحرت ولا النجنجة عند الجرن.

الفقر خابرهم ودايرهم

لو قفلوا الباب ينط من الطاقة ويجيهم

الفلس فلس عنزة والبعرة بعرة جمل.

يا الفرح من غير ما يدعوك

كأنك حشيش تحت البقر مدعوك

يا رايح الفرح من غير دعو اقعد على طرف الحصيرة

من استكثر عشاه ناف حاف

لاقي عدوك ضاحك ولا تلاقيه باكي

من أدى بلحة لولدي حسيت حلاها في ضرسي

أدّي يا إيديا واتعبي يا رجليا... وقيل هذا المثل لأنه يقال ذهب احدهم يقترض لوكاف  ففوجئ بأن صاحب اللوكافى يقدمه ويدفعه له برجله  فغضب  المقترض لذلك وسأله لماذا ؟ فقال له  لأن هذه القدم ستتعب عندما أطالبك به.

 طلب الغني شقفة كسر الفقير زيره

 الفقري فقري ولو زرع في أبو جايض ؟ ما هى أبو جايض؟

أردب ما لكش فيه ليه تحضر كيله؟

تتعفر دقنك وما ينوبك إلا شيله.

عصفور في ايدك ولا كُركي طاير

خد اللي جوزها شالوه على النعش

ولا تاخد اللي جوزها كان جحش

دور مع الطريق اذا دارت

وخد بنت الأصل إذا بارت

اللي يستكتر غموزه ياكل حاف

اللي يتكل على جاره ينام من غير عشى

اقفل بابك وآمن جارك

 امشي قدام عدوك معرش

وما تمشيش قدامه مكرش

 عزومة في تنيدة ما هياش بعيدة

اللي ما يتجمرش في حيطة الناس ما حدش يتجمر في حيطته.

من خد وإدّا صار المال ماله

 كتير النط قليل الصيد

البيت اللي كتر داسه خف القدم عنه

تبقى انت متهوم وغيرك ينتفع منه

عملت ايه للندل لما الندل عاداني

أكل متاعي وبعد العز عاداني

ادعي عليه بإيه .. بسجن ضيق ويكون سجانه نصراني.