أااااه يا بلد:
مولد سيدى المرسى لسه منصوب

مصطفى فهمى في الجمعة 22 يونيو 2012


أااااه يا بلد

مولد سيدى المرسى لسه منصوب

المكروفونات شغاله صويت

و المرجيح بتطير شمال و يمين .. و الضرب بقى بالطوب

و البنزين على الحطب مصبوب

أااااه يا بلد

باسم الله نازلين فى البلد هدم و تفحيت

هما دول بتوع مشروع النهضة و لا مشروع التفتيت؟

ولا هما دول إللى مشغلين لحسابهم العفاريت؟

أااااه يا بلد

التلفزيون و الصحافه بقى ليها نجوم

بيعملوا بروجرمات دردشه على حسهم

بيعلقوا صورهم فى الشوارع و على الهدوم

و ا صحاب القنوات يلموا من الإعلانات  بالكوم

أااااه يا بلد

كبير ولا صغير قديم ولا جديد غلس ولا لطيف

الواحد من دول يعمل بالليل عملته ... لعيب و حريف

و يقوم الصبح يغسل أيده وعاملى فيها نضيف

أااااه يا بلد

إللى بيقول دستورية و إللى بيقول ثورية

و إللى بيقول أنا بس إللى ليا الأحقية

والناس لايصه بينهم و بقى عندهم لوثه عقلية

أااااه يا بلد

الناس بقت عوطليه ... و فى الميدان قاعدين

شاربين تاتورة ... و من البلوظه واكلين

الواحد منهم فاكر أنه ثورجى و مش دريان أنه بينصر الشياطين

أااااه يا بلد

وائل و أسماء و إسراء و عبد الرحمن و أحمد ماهر ... و كمان مهتاب

و باقى الثورجية يا خسارة ... باعوا عقلهم

و للأخوية باسوا القدم و وقفوا على الأعتاب

فاكرين يا ولداه أنهم هيخدوا حقهم

و هما فى الحقيقة هيخدوا على قفاهم و ذنبهم هيكون على جنبهم

 أااااه يا بلد

اتقوا الله و بطلوا شغل الهجص إللى فى داهية هيوديكم

ده الشعب لما يفوق من غفلته ... هيسويكم

و ورا الشمس و فى مزبلة التاريخ ... كلكم هيرميكم

أااااه يا بلد

مولد سيدى المرسى لسه منصوب

ميفضهوش إلا المجلس العسكرى ... لما يعمل المطلوب

أااااه يا بلد

مصطفى فهمى

اجمالي القراءات 5485

للمزيد يمكنك قراءة : اساسيات اهل القران
التعليقات (4)
1   تعليق بواسطة   محمد عبدالرحمن محمد     في   السبت 23 يونيو 2012
[67494]

أهو زجــل الأستاذ / مصطفى فهمي..!


الاستاذ الفاضل / مصطفى فهمي السلام عليكم ورحمة الله  وبركاته .. أهو مقال زجلي موجز.. لم نكن نعرف أنك تمتلك هذ القريحة المصرية الأصيلة وهى شعر العامية أو الزجل المصري ذو الشخصية المتفردة..
 شكرا لك على سرد الواقع وشرح كيفية التخبط الذي يعيشه كل المهمومين بمستقبل مصر .. أما أنعام مصر فلا يشغلها شئ إلا كسب القوت والتكاثر.. في المساء بعد مغادرة المقاهي..
 وتلك نسبة كبيرة من المصريين .. يحسبهم المجلس من أنصاره ويحسبهم كل تيار من انصاره.. وما هم من أنصار لأحد إلا لقوتهم الردئ.
شكرا لك وإلى لقاء

2   تعليق بواسطة   مصطفى فهمى     في   السبت 23 يونيو 2012
[67502]

أخى الكريم محمد عبدالرحمن محمد ـ كله كلام

أهو كله كلام .... و لا نملك من الأدوات غيره


فإن استمعوا و  وعوا  ... فلهم الجائزة ..... و إن لم يستمعوا ..... فعلينا الجزاء


ولكم منا كل الود


3   تعليق بواسطة   ايناس عثمان     في   الإثنين 25 يونيو 2012
[67524]

أغنية لمصطفى سعد مبدعة

الأستاذ مصطفى قصيدة زجلية جميلة  ، وياريت تسمع أغنية مصطفى سعد : يا مصر هانت وبانت كلها كام يوم ، هي بجد جميلة ومعبرة ومصطفى موهوب ولم يأخذ فرصته اكيد على الأقل لم أسمع له إلا هذه الغنية ، الظاهر لم يبقى لنا غلا الأزجال والغاني كما سبق ان قلت !!


4   تعليق بواسطة   مصطفى فهمى     في   الثلاثاء 26 يونيو 2012
[67534]

الأخت الفاضلة ايناس عثمان

أشكرك على تعليقك و طبعا فؤاد نجم شاعر عظيم ..... و قالها فعلا حكمة .... مصرهانت


ولك منى دوام الود


أضف تعليق
لا بد من تسجيل الدخول اولا قبل التعليق
تاريخ الانضمام : 2008-09-30
مقالات منشورة : 50
اجمالي القراءات : 1,131,595
تعليقات له : 406
تعليقات عليه : 709
بلد الميلاد : Egypt
بلد الاقامة : Egypt