مش مهم ..إنت مين

د.حسن أحمد عمر في الثلاثاء 22 فبراير 2011


إمسك قلمك
إكتم ألمك
أوعى تقول للظلم آمين
حقق حلمك
إعلن رأيك إ
إ كتب على صدرك ثايرين
المهم الفكر ايه
مش مهم الإسم مين
والمهم كتبت ليه
مش مهم تكون منين
المهم كتبت ايه
مش مهم كتبت فين
ليك فؤاد عمال يدق ؟
ليك حنين للناس يرق ؟
ليك دموع نازلين مطر؟
ليك أحاسيس تنفطر؟
ليك ايدين ماسكين زهور؟
تبقى انت أكيد بشر
لو بقيت للحب ضد
أو بقيت للظلم يد
تبقى شيطان ولابد
تنكسر وتضيع هدر
لو بقيت للعدل مانع
او بقيت للحق بايع
تبقى فعلأ فى خطر
أو عاديت إنسان بيصلى
تبقى ضعت ولا مفر
لو تكون انسان بحق
قول فى وش الظلم لأ
أوعى تصبح نبع ضر
أوعى تتسبب فى شر
وبإيديك ضمد جراح
خلى أيامك سماح
قوم و نادى بالصلاح
قوم وعوض اللى راح
أيوة صمم وانتصر
ضم صدرك للوطن
وبأيديك إرسم أمل
أوعى تلويك الرياح
إبنى فى الأطفال كرامة
علم الناس السلامة
واجعل الظلمة صباح
خد من الماضى جماله
مش تسلم له بحاله
ده عبير الصبح فاح
مصر يا بلد الحضارة
يا حبيبتى يا منارة
فجر أهل العلم لاح
فجر أهل الفكر لاح

من ديوان الحب فى الهجير
ل حسن أحمد عمر

اجمالي القراءات 5627

للمزيد يمكنك قراءة : اساسيات اهل القران
التعليقات (2)
1   تعليق بواسطة   محمد عبد الحليم     في   السبت 26 فبراير 2011
[56256]


ما أجملها من كلمات


سلمت يداك  أستاذى الفاضل


2   تعليق بواسطة   د.حسن أحمد عمر     في   السبت 26 فبراير 2011
[56260]

شكر وتحية

الشكر والتحية للإبن العزيز محمد عبد الحليم على تعليقه الرقيق وأتمنى لك يا محمد مستقبلاً زاهراً ونجاحاً باهراً .


أضف تعليق
لا بد من تسجيل الدخول اولا قبل التعليق
تاريخ الانضمام : 2006-09-03
مقالات منشورة : 209
اجمالي القراءات : 2,400,313
تعليقات له : 1,171
تعليقات عليه : 1,053
بلد الميلاد : Egypt
بلد الاقامة : USA