أشهر فلم سينمائي في قاعات الأزهر:
الفلم السينمائي : " نزول المسيح " للمخرج البخاري

المهدى زين العابدين في الأربعاء 26 ديسمبر 2018


 
ومع شريط المغامرات السينيمائي.. 
للكاتب الروائي والمخرج العالمي " البخاري"  :
نبذة عن الفلم :
الفلم لاقى شهرة واسعة في قاعات الأزهر السينمائية وحضره عدد لابأس به من الشيوخ لدرجة أنهم ما زالوا يحكون عن قصته الدرامية ونال جائزة أحسن إخراج وأحسن بطولة في أفلام المغامرات لمخرجه العالمي :  " البخاري "...
وتعالوا تعيشوا معانا أجمل لقطات الأكشن في هذا السيناريو الرائع للروائي السنمائي"  مستر بوخاري " وهو يحكي مغامرة فضائية رائعة عن نزول عيسى من الفضاء الخارجي بعد ما مات وانتهت رسالته :
(لَيُوشِكَنَّ أَنْ يَنْزِلَ فِيكُمْ ابْنُ مَرْيَمَ حَكَمًا عَدْلًا فَيَكْسِرَ الصَّلِيبَ وَيَقْتُلَ الْخِنْزِيرَ وَيَضَعَ الْجِزْيَةَ وَيَفِيضَ الْمَالُ حَتَّى لَا يَقْبَلَهُ أَحَدٌ حَتَّى تَكُونَ السَّجْدَةُ الْوَاحِدَةُ خَيْرًا مِنْ الدُّنْيَا وَمَا فِيهَا)
هو فيه نبي في الدنيا له رسالتين ؟ 
رسالة في عصره والتانية في ءاخر الزمان؟ ونازل خصيصا علشان يقتل الخنزير ! هو عملوا إيه يعني ؟
طيب ما كان يقتلو من الأول ؟
وبعدين الخنازير كثيرة في الغابة ...
يعني يسيب الدعوة ويروح يصطادهم ولا إيه ؟
ويدعو مين النصارى ولا اليهود ولا المسلمين ؟
ويدعوهم للمسيحية ولا الإسلام؟
ما هو لو دعاهم للمسيحية يبقى المسلمين لازم يتنصروا؟ ولو دعاهم للإسلام يبقى هو خاثم الأنبياء والمرسلين !
وذا مش ممكن يا عالم ؟
لأن سيدنا محمد هو خاثم الأنبياء والمرسلين!
طيب إزاي الفزورة ده اللي شغلنا بيها البخاري !
ويقولك صحيح البخاري ..يلعن البخاري على سنين البخاري. مش كذا وبس أبو هريرة زاد من عنده يقتل الخنزير والقرد يخرب بيتك يا أبا هريرة وكمان القرد !
ده نسناس وطيب ذنبه إيه المسكين؟
وراك وراك يا بخاري يا ملعون لما نشوفكتوصلنا فين... ؟
وصلنا فين يا سادة يا كرام  !!
أيوا ..! بعد ما يقتل الخنزير  يضع الجزية على النصارى  يعني لصالح المسلمين. يعني قومي يا إسبانيا وفرنسا وأمريكا ما تبقيش حضرتك  تعطي فلوس للعرب لأنك ما كنتيش راضية تدخلي في الإسلام ! 
هو مين اللي بيعطي دي الوقت فلوس للتاني علشان يحميه ؟ ه
مش هم العرب لي بيعطوها للنصارى؟  هو هايضع الجزية على مين ولا على مين ؟
وبعدين يسافر ويبحث عن كل كنيسة بالعالم ويطلع يكسر الصليب اللي عليها وينزل !دي بقا محتاجا على الأقل مائة سنة
ماشي.. وإيه حكاية الأسود  إلي ترعى مع الإبل ؟ اللي نعرفوا إن الأسود في تانزانيا بأدغال إفريقيا و الإبل بجزيرة العرب .
يعني نروح نجيب الأسود تلعب مع الإبل ولا نودي الإبل عند الأسود؟ ولا نعمل إيييه؟
ما هو دول مش ممكن يرعوا مع دول..؟
لأن دول بياكلو عشب ودول بياكلو لحمه فلا دول ها يفهمو دول ولا دول ها يلعبو مع دول !
الحكاية كذا تعقدت يا عم انت يا بخاري..
وبعدين الصبيان ها تلعب هي كمان مع الحيات ؟ 
لا ما خلاص مبقاش فيه لا ألعاب "بوكمون"  ولا عرايس ولا حاجة تلعب بيها الصبيان .يعني لما تجي عاشوراء  بالسلامة خذ الولاد للغابة ونقي لهم كم ثعبان حلوين كذا على مزاجك وهات يا لعب ..مع الصبيان .
بس خلي بالك ليطلع لك الغول قصدي المسيخ الدجال ولا الغولة ما هي الجساسة يعني بصراحة..
لو طلعو لك إمسك أعصابك وإوعى تتهور لأن ده مش شغلك إنت . الدجال راح يذوب لوحده زي الملح ..وإنت زي الفل..
السيناريست البخاري ما قالش لنا في الفلم بتاعوا اللي قام بتأليفه عملت إيه الجساسة اللي كانت بتحرص الدجال وتكنس وتطب له في الجزيرة ؟ 
سافرت  على أمريكا ولا راحت السودان ؟ ولا طلعت إيطاليا تشتغل ..وتهيص آه !  ما هو الساعة هناك بخمسة جنيه والحسابة بتحسب.!
لا مش معقول تسيب الدجال يطلع يحارب لوحده وتهرب..حقيقي البنت ده مش كويسه.
وبعدين تشتغل ليه من أصلو ما هو الدجال ها يكون معاه التموين بتاع السنة من زروع وثمار وداير يوزع في كل مكان وماسك السوق كلوو..
 عاملي فيها فتوة يعني..!
 (ومعه جنة ونار فناره جنة وجنته نار ومعه جبل خبز) !
إيه ذا كله يا اولااااد؟
لا ماعليش كذا يا دجال ها تزعلني منك إلا الخبز .
تمسك الرغيف عن المساكين؟ إيه الرذالة ده..!
إنت صحيح رذيل لكن ما توصلش للعيش ..دي  ريا وسكينة لو شموا خبر كانوا يقطعوك ويرموا جثثك لكلاب السكك ..
يا رذالتك يا دجااااال!..
مش كذا وبس ذا بيدعي النبوة (ويخوض البحر في يوم ثلاث خوضات فلا يبلغ حقويه ، وإحدى يديه أطول من الأخرى ، فيمد الطويلة في البحر فتبلغ  قعره  فيخرج من الحيتان ما يريد) ..أيوا عمااال يطلع السمك من البحر ويشوي..
ذي لقطة حلوة في الفلم..ماشي.!
(وبعد أن ينزل عيسى  من السماء على المنارة البيضاء شرقي دمشق، يبدأ عليه السلام في طلب المسيح الدجال فيتمكن من إدراكه عند منطقة من مناطق فلسطين وهي باب لد،)
هو طبعا ممنوع عليه يدخل مكة والمدينة لأنه ما معاهش تصريح بالدخول بس طلع على فلسطين لأن إسرائيل  كان واخذ عليها فيزا قبل ما يطلع من الجزيرة .
طيب ما كان يطلع على الإمارات  خصوصا ذي بلد حلوة وقريبة و أهلها ناس طيبيين.!
بس تعمل إيه غبي راح لقضاه برجليه ..! 
طيب لقا مين هناك يا اولاد؟
نرجع للفلم ونشوف :
لقا عيسى عند المنارة ( فيذوب المسيح الدجال حينما يرى المسيح عيسى عليه السلام كما يذوب الملح في الماء) . .
 يعني فص ملح وذاب !
بعد ما انفض السوق و رسا المزاد ..
أقيمت الصلاة بس التجار تعاركوا من تاني مين يصلي بالناس  ما هو لازم إمامهم يكون منهم ..
وما فيهش حد قاري قرءان غير المهدي المنتظر!
ما تشوفو لنا المهدي راح فين يا اخوانا ..
أهو وصل ! بركاااااااتك يا مهدي ..
أومَّااال فين الشيوخ بتوع الأزهر اللي كانوا يخوفوا الناس من الدجال والجساسة والغول ؟
طلعوا عيال ذي الوقت خلاص..
ولا راحوا يلعبوا بالحيات مع الصبياااان.؟ 
ما يكونوش يااولاد راحوا لموسم  :
 " سيدي العريان " .. ؟
اجمالي القراءات 1496

للمزيد يمكنك قراءة : اساسيات اهل القران
أضف تعليق
لا بد من تسجيل الدخول اولا قبل التعليق
تاريخ الانضمام : 2018-07-20
مقالات منشورة : 22
اجمالي القراءات : 39,655
تعليقات له : 26
تعليقات عليه : 9
بلد الميلاد : Morocco
بلد الاقامة : Morocco