الراقصة وحضرة الناظر

آحمد صبحي منصور في الثلاثاء ٢٣ - فبراير - ٢٠١٦ ١٢:٠٠ صباحاً

نص السؤال
كنت ناظر مدرسة ثانوى وخرجت على المعاش بمعاش لا يكفى وعشت ايام سودا وصبرت . وبسبب سمعتى الطيبة طلبت منى سيدة غنية الاشراف على مزرعة لها تبعد عن القاهرة بحوالى مائة كيلو . أول مرة فى حياتى أشوف البذخ ده واشوف الناس الأكابر . المزرعة اكتر من ميتين فدان ، مزروعة فاكهة و فى المزرعة قصر ضخم للهانم ولضيوفها . وتاتى اليه وهم معها يسهرون ويفعلون ما يغضب الله . وبعدين عرفت انها كانت راقصة واعتزلت ، وتشتغل فى البيزينس وتربيط الشغل مع الزباين وتقديم رشاوى جنسية ، وانها محمية من الكبار ، ويحضر حفلاتها دايما لواءات وناس كبار . وهى تتوسع فى المزرعة، وفى أقل من سنتين أضافت للمزرعة أحواش تزرع فيها نباتات طبية ، بالاضافة الى أحواش للمواشى ومزارع دواجن وبيض ومنتجات ألبان . أنا عملى هو الأشراف على العمال ، وصرف مرتباتهم ، وتدوين الحسابات وتسليم الهانم الأرباح ، وماليش دعوة بالقصر واللى بيحصل فيه . وبأعيش فى بيت وسط المزرعة بعيد عن الأسفلت والقصر الكبير بتاع الهانم . وبقيت أغلب ليالى الجمعة والسبت اللى بيحصل فيهم الحفلات دى أروح بيتى وأبيت مع ولادى ومراتى . بس ضميرى بيعذبنى . أنا صحيح شغلى ما لوش أى علاقة باللى تعمله الست الهانم وزباينها . لكن أنا شغلى برضه فى تنمية مالها الحرام . أنا بأشتغل بذمة وإخلاص . والست بتدينى كل شوية علاوة عشان هى مبسوطة من أمانتى وهمتى فى الشغل ، وكان اللى قبلى بيسرقوها ، ومنهم واحد عرفت انها دخّلته السجن لأنه إختلس منها اكتر من ميتين ألف جنيه . أنا خايف يكون شغلى معاها حرام عشان مالها فى الأصل حرام . ما راى فضيتلك ؟
آحمد صبحي منصور

أنت لست مسئولا عن عملها . ولا شأن لك بكيفية حصولها على مالها ومزرعتها . وطالما أنت بعيد عن قصرها ومجونها وخمرها وفسادها فلا عليك . أنت تعمل فى واد آخر،  تعمل عملا حلالا وتاخذ عليه أجرا حلالا ، ولا تسرق ولا تختلس . إطمئن . فلا تزر وازرة وزر أخرى .

اجمالي القراءات 7087